Home » » Di hlui

Di hlui

Phuahtu: Laldana
Satu: Lalnunsanga (T-Melody)

A dai hlen ta emaw ka lo ti hmana ka hmangaihna che,
An thamral ta emaw ka ti thin nunhlui ngaihawm zawng pawh;
Mahse, i sakhmel ka tawn changin kim ten an lo thar leh thin,
I khiangawi hnu pawh hi e, Di hlui, nghilh i lo har ka ti.

Thlangkhuandim in kar dan ah kan leng ta si a,
Tawn chang ni pawhin biahthu hril a rem tawh lo;
I lo dam thin maw? "aw, di hlui", "aw, di hlui", tih chauh hi ka zawt ngam a che,
Lungkim lo em em chung si hian e, hei chauh hi ka zawt thin ang che.

Lenlai par tlana kan hlim lai khan inthen leh hian kan mawi lo,
Mahse chantawk khuarel ang zawkin kan lo inthen ta maw;
Nunhlui leh nang ngaih a ruk hlir a ka lo tuar tdai tawh tur hi,
Ka dawn khawl changin lei hringnun hi kei zawng a sei ka ti.

Lunglai hal vanga inthen mah hian suihlung len thar ni annei,
Duh te a tang laia pawm tawh hnu nghilhni a har an ti;
Thinlai thar chang ni te tam mahse dam te a tuar tum zawkin,
Kumtluang in e pawmlai Di tawnah rinawm i tum zawk ang.

Share this article :

14 comments:

Lawma Khiangte said...

"Duh te a tang laia pawm tawh hnu nghilhni a har a ti"
tih a, "nghilhni a har a ti" tih lai khi, "a har an ti" tih zawk tur a ni e.

Share ka tum laiin hei in lo dah reng tawh a, a lawmawm thin. He hla hi chu a nalh viau a ni

Four Brothers' Mizo lyrics said...

@Lawma Khiangte, ngun takin kan blog a hla kan post thin te i lo chhiar thin a kan lawm em em e, i rawn sawi lai pawh hi kan siamtha tawh e. Inthlahrung lo in i rawn sawi zel dawnnia.

ZunLeng said...

He hla hi chu aw... a lung kuai ngawih ngawih a ni. D hlui nei tawh tan chuan :)

Lawma Khiangte said...
This comment has been removed by the author.
Lawma Khiangte said...

Chang 2na ah hian, "Mahse chantawk" tih zawk tur a nilo maw? "Chantawh" nilovin, pu Postupa

Hruaitea Hauhnar said...

A tha e. Ziah zawm leh zawm loh tur a awm nual nangin.

United Computer said...

He hla hi tu phuah nge maw ni le, a satu phuah hi tihna em ni le

Mapuiasailo said...

He Blog hi tha kava han ti em.. ka zai ve awl awl phah alawm le. LIKE

Hayley Pk said...

A phuahtu Chu Pu Laldana ania... :)

Four Brothers' Mizo lyrics said...

Kan lawm e, kan update tawh e

Unknown said...

Can someone give a translation of this lyrics? I'm not Mizo and I'm in love with this song.

Four Brothers' Mizo lyrics said...

Its all about the lover and his/her ex relationship after their break up.

Four Brothers' Mizo lyrics said...

Kan lo tisual leh thin a, thahnem ngaiin min rawn hrilh thin a, kan lawm em em e, i rawn sawi pawh hi kan siamtha tawh e.

Ronson Laltanpuia said...

Ka la ngaithla reng mai...... Kum 3 chhug a nalh

Post a Comment

 
Copyright © 2008. Four Brothers' Mizo Lyrics - All Rights Reserved
Back To Top
Design: ToMZ