Home » » Tawng leh in ka mawi lo

Tawng leh in ka mawi lo

Satu: Mimi Renthlei

Ka han thlir vel a i lenna tlang khi
In run lamtluang kawi a her liai e;
Ka suihlunglen tuar zo ta lo hian,
Tlang than dawn lo ten ka rawn chhui thin.

Hmangaih lalnunnem,
Ka ngai a che, ka ngai ber che;
Tawng leh in ka mawi lo,
Nang ang lungdum tu.


Mahse in run kai ngam silo hian e,
Ka hawi ruai ruai thin i sakhmel vaiin;
Hmangaih di nunnem chhun ni zan tluan in
Ka ngai ka ngai che, ka ngai vawng vawng che.

Ka suihlung dum di ti hian ka zawt a che,
I awmkhawhar zual lunglen ni ten;
I ngai a zan mu chhing lo kei hi,
I thinlai rukah mi dawn ve thin em?

Share this article :

3 comments:

Israel Lalthawmmawia said...

type sual a awm xeu2

Unknown said...

tha ltk

Lawma Khiangte said...

chang khatna tlar tawp ber khi, ka rawn chhui leh thin tih tur a nia, tunah hi chuan 'leh' hi a awm lova

Post a Comment

 
Copyright © 2008. Four Brothers' Mizo Lyrics - All Rights Reserved
Back To Top
Design: ToMZ