26 Nov 2017

Kraws kawng

Phuahtu: C Lalnunpuia
Satu: Tabithians

Kraws kawng zawh tura ka inpek ni khan e,
Hetiang reng hi ka dawn phak ngai lo;
Dai ngai loh ramah ka nun zawng te hi,
Mal leh khawhar in a awm si.

Kraws kawng zawh tura ka inpek ni khan e,
Famkim lo leh tling lo tak chungin;
"Min zui rawh" ti tu Lalpa tan ngei chuan,
Ka khawvel nun ka thlahliam ta.

Chu kawngah chuan harsat chang awmin,
Lungngaih, mangan, thlen chang awm mahse;
Hawikir a phatsan mai ka tum lo,
Ka mal lo aman min awmpui si a.

Kraws kawng zawh tura ka inpek ni khan e,
Hlim leh lawm reng turah ka in ngai;
Mahse, chutiang reng a lo ni si lo,
Kraws kawng zawh tan a lo ni zawk.

Kraws kawng zawh tura ka inpek ni khan e,
Ka felloh zia hretu Lalpa chuan;
Ka nihna anga min lo pawm duhin,
Ka sual zawngte min tlengfai ta.


0 COMMENT

Post a Comment