28 Jan 2018

Zion ram ngaiin

Phuahtu: C Vanlalena
Satu: Lalthansangi


Zion ram ngaiin kan rum thin a,
Min hruai turin, aw, lo hnai leh rawh;
Sualna chhumpui in min chimral mek,
Engtinnge maw kan tih tak ang le?

Zion ram ngai in kan rum thin a,
I hnen thlen hlan ka va nghakhlel em;
Sualna doral in min chimral mek,
Imanuel, aw, lo hnai leh rawh.


Lalpa, I mite kan chau zo ta,
Sualna chhumpuiah kan boral mek;
Thim thuneihna sukiang thei turin,
I thlarau in min tiharh leh rawh.

Thuthlung fate harh a hun ta e,
Hmangaihna a rawngbawl thei turin;
Lalpa hmangaih te hruaikhawm zel in,
Lalpa tan i sengkhawm thuai ang u.

Nikin ni a lo thlen hma ngei hian,
Sual bawih a tang te i chhanchhuak ang;
Huntha tlemte chauh kan neih chhung hian,
Lalpa tan chauh i thawkchhuak ang u.

0 COMMENT

Post a Comment