Arsi pakhat

Phuahtu: Tlantea Chhangte

Satu: Zaii Hauchhum

Ka suangtuahna khawvel neitu i ni a,

I tel lo chuan hringnun a ngui ruai thin e;

Nuihmawi, hmeltha, ka lungdumtu,

Rem ve thei se nang nena kumtluanga lendun.

Vanrang chhum kara ni eng mawi tak leh,

Tingtang herh mil sa ianga mawi i ni;

Vanah arsi pakhat chauh eng lo mah se,

Ka thinlungah erawh nang chauh i eng reng si.

Tuahrem theih loh Di zuna uai reng mai zawng,

A na ngei e aw, a riang tawnah;

Theih chang se piangnawn leh tur ni ila,

Nang ang lungdumtu hi tawn leh ka nuam e.

Sulhnu nun hlui dawn kir chang ni a awm leh thin,

I thar leh thin thinlaiah ka Di enchimloh;

Hril thiam awm maw i zun leng ngaih hi,

Tawng ve lo tan hriatthiam rual a ni si lo.

Continue Reading

Ka ni Dar

Phuahtu: Di_a Chhakchhuak

Satu:  Mahlimi

Inbiakpawhna tha nei duah ila,

Phone changkang thar ber nei ila;

Kan lenrualte, kan chenpuite,

Biak nachang hre si lo ila.

Heti taka inbiakpawhna tha awmnaah hian,

Ka pi, ka pu, ka nu, ka ni, ka ni Dar;

Thiana, thiani, ka va be khat si che u em!

In lo dam tlang em le?

Hlatekhua a mi ral biak fo vin,

Chenpui unaute kawm si lo ila;

Kan lenrualte, kan chenpuite,

Biak chanchang hre leh si lo ila.

Midang bulah chuan nelawm ve viau thin mah ila,

Chenpui unaute tan biak har si ila;

Chenpui nuam kan ni thei dawn em ni?

Mi tha tak tak ka ni dawn em ni?

Heti taka inbiakpawhna tha awmnaah hian,

Ka pi, ka pu, ka nu, ka ni, ka ni Dar;

Heti taka inbiakpawhna tha awmnaah hian,

Ka pi, ka pu, ka nu, ka ni, ka ni Dar;

Thiana, thiani, ka va be khat si che u em!

In lo dam tlang em le?

Kan biak phak, kan biak phaka inngaitlawm,

Kan Pathian meuh pawh hi,

Kan va be khat si em!

Kan biak phak, kan biak phaka inngaitlawm,

Kan Pathian meuh pawh hi,

Kan va be khat si em!

Continue Reading

Pathian thinlung hmangaihna

Phuahtu: Solomon V Hmar

Satu: Hmunhmeltha Kohhran Pavalai Pawl Zaipawl

Pathian thinlung hmangaihna nasat zia hi,

A thukin a sang ngei chhui rual a ni lo;

Mihring suala an tluk, an thih niah khan,

An tan ngei chuan chhandamna a buatsaih ta a.

Hetiang em a hmangaihna ril leh thuk tak hi,

Ka phu lo, a sang lua deuh lo maw?

Mah se, ka tan a rel leh ruat tlat a ni si,

Hlim lawmin a hmangaihna ka puang zel ang.

Pathian thinlung hmangaihna chhandamna chu,

Hunbi tinah hrilh, puan chhuah zel a ni a;

Setanan theihtawpin dodal thin mah se,

Thu chu tisaah changin damna a thlen ta.

Pathian thinlung hmangaihna rinawm tak chu,

Kalvari thing krawsah tihlan a ni a;

Tupawh a ring a piang chhandam an ni ang,

Keipawh a chhandamna chu ka lo hmu ve ta.

Pathian chhandamna ropui thla zar hnuaiah,

Muangte'n ka chawl ta e, eng dang ka ngai lo;

A chhandamna lah a mawi zual deuh deuh si,

Harsatna tinreng chungah mu angin ka leng.

Hetiang em a hmangaihna mak leh ropui hi,

Ngaihthah a i lo thlahthlam mai chuan;

Vantihrkoh hmanga thuhril mah ngemngheh a nih chuan,

Hremna chu i pumpelh i inring maw?

Continue Reading