Chak lote chakna

Phuahtu: Lalnunpuia Hrahsel

Satu: Maria Lalmuanpuii

A chang chuan ka tlu, a changin ka tho,

A chang leh ka tliak, ka hlim leh ṭhin a;

Ka induh tawk fo a, ka induh tawk lo leh ṭhin,

I khawngaihna leh ngaihdamna tel lo chuan,

Ka nghet rei thei lo.

Chak lote chakna, nghet lote lungpui,

Ka thlunglu nghahna, ka rinchhan i ni;

Min hruai ve ang che, tluk leh tlak fàwm hi,

I tel lo chuan ka dai pelh leh mai ang.

A chang chuan ka ruak, a changin ka khat,

A chang leh ka tlu, ka tho leh ṭhin a;

Ka inring tawk fo a, ka inringhlel leh ṭhin,

Tui anga nghet lo hi nangin min chelh loh chuan,

Ka tlei nawi leh ṭhin.

Continue Reading

I ropui nan

Phuahtu: Manuni Chhakchhuak

Satu: Grace Lalchhanhimi

Leilung mawina tilang turin khawvelin eng a mamawh,

Thangvana siarten an mawina tilang turin zan thim leh khawthiang an mamawh;

Thil siam dangte chuan an lan mawi nan hun bi an mamawh laiin,

Zing, chhun, zan englai pawhin Lalpa chu ka mawina a ni.

Ropui ber, aw ropui ber,

I hming fakin ka zai zel ang a;

Ka aw neih zawng zawngte hian,

Lalpa, fak che ka duh,

Engkim mai hi i ropui nan ka hlan e.

Tawnmangah pawh ka tawn ngai lo hun hlu ka nghilh ngai loh tur,

Hnehtu nihna min pe hi Lalpa a hlu em mai, min hmangaihna vang chauh a ni;

Malsawmna min vur zawng zawngte hi, Lalpa, ka chhiar seng nem maw,

I tana thahnemngai lo kei hi nangin min hrereng si.

Lungngaih, mangan ka tawh changin ka tan i lo awm reng thin,

Malsawmna petu aia i malsawmnaah chauh ka hlima ka lawm mai loh nan;

Engkim bul leh tawp chu nangmah chauh i ni tih min hrilh fo la,

Ka neih zawng leh thiamnate hi, Lalpa, i tan ka hlan e.

Continue Reading

R.M suihlung phang lo la

Phuahtu: Tluangtea Hnamte

Satu: Lalrinmawii London

Khawi lam biahthu nge ni ngai le?

Zai tin thiam zaleng tin khumin;

A di then vangin a kur an ti,

Kei zawng ka ngaithiam lul lo.

R.M, suihlung phang lo la,

Di then mai mai zawng khuavel dan a lawm;

Khuanu zarah a dam hauh ila,

Zaleng an tam vangkhuaa'n,

Himte'n i chhai leh zawk ang.

Duhtea chawi lai di then chu,

Tawrh thiam zawng a har ngei ang;

Mah se, suihlunglenga kur reng ai chuan,

Lengdang dar ang chhai zawk che.

Khuanu leng tuahrem loh na fam chu,

I tiam sa zawngte haiderin;

Nunhlui liam hnu zawngte sirah hnawlin,

Hmatiang lam sul hawi nang che.

Continue Reading