Aw Ngaihzual

Phuahtu: Romani
Satu: Lalthansanga Ralte

Duh leng ai ang samin nang ka thlang thin che,
Kumtluang kha chen kha i sulhnu ka zui;
A tha val lengdang tawnah suihlung lam ang her lehin,
I zun leng ngai kei chu riang min hnawl e.

    Aw Ngaihzual..Aw Ngaihzual,
    Rairah rianga'n ka cho rual loh Rualkhumi;
    Chun leh zua chawi loh senlai nau ang ariang min tah tir,
    I zun leng ngai kei chu riang min hnawl e.

Kum tluang hruai ang a sei tur ka ngai ngam lo,
Khiangawia mi thai i chang mai tur;
Rairah ka va riang dawn em! ka thinlai hlei te'n a dang,

Chuang lo vang, mi chun i chan thleng pawhin.

Khuarei sakhming thangthar nun a par ngei ang,
Thal favang romei a zam karah;
Rauthla leng ka tawng lo che, awmhar mahriak te'n ka vai,
Zarva lung rual te'n thlang zai an vawrna.

I zun ngai nau ang ka tahna tlang li liai,
Fan changin  suihlung a leng zual thin;
Kumsul hai lo te'n thing tin an lo par vul leh ang a,
Aw...a bang thei lo, engtin nge lunlen ka lo tuar ang le?

    Chun leh zua chawi loh senlai nau ang a riang min tah tir,
    I zun leng ngai kei chu riang min hnawl e.