Zonunmawi

Phuahtu: Zirsangzela Hnamte

Lenrual te u, i dawn chiang ang u, kan nun hi,
Kan pi leh pu nundan mawi kan chhawm kha;
Tlawmngaihna hlu, rinawmna leh,
Thudik tana huaisenna te'n tunah mual liam tumin;
Phurhhlan an siam tak hi.

Zonun, Zonunmawi,
Tap tapin ka au ding zo si lo;
Aw, Zonun, aw, nun mawi,
Liam lovin la cham rih hram rawh aw.

Tunge dik lo tia zawng buai mai mai lo vin,
Keimahni theuh in enfiah zawk ila;
Kan Zonunmawi, kan hnam pangpar,
Kan ram riang te ti nuamtu kha;
Kan tlang ram mawiah hian i vul tir leh ang u.

Kan Zonunmawi chul hnu par ang lo vul leh nan,
Nang leh kei hi kan pawimawh ber si a;
Mizo nih mai hi a tawk lo,
Ram hmangaih mai mai a tawk lo,
I nunah 'Zonunmawi' lar chhuak ngei rawh se.