24 Jun 2013

Buannel ram dai

Phuahtu: Rokunga
Satu: Tuithiang veng Branch YMA Silver Jubilee Choir 

Thlaler ram reh hla takah chuan,
Chhuihthangvala lunglenna;
Buannel ramdai kawlvalenchham,
Nghovar leh Chawngtinleri tuallenna.

Tahchuan achangin lung a leng thin,
Ram chhawlthing te par vulna;
Zantlai ah riakmaw valengin,
Thiang thingzar mawi e sianglawi nan.

Aw a khamrang thari laikhum,
A tualzawl satin kaina;
A luikawr dung leh a tlang mawi,
A thingzar mawi thuva te zai remnna.

Sihal ten piallei a run a rem,
Vatin reng te thingzar ah;
Zantian chhawrthla leh siar,
An en chang hian lung a leng zual thin.

Pasaltha leh ramvachal ten,
Ziatial dar ang an chhaina;
Huaivawm khite leh zuki ten,
Siktui thiang dawn a nau ang an nuihna.

Tahchuan ka thinlai a cham reng mai,
Chhuak in ram va tuan ila;
Chengrang chawiin uisathiam nen zelin,
Vala lungdam na.

Buannel ramdai ah va tuanin,
Chhuihthangvala hmingthanna;
Chengrang tui lungleng a au ve,
Damsa hraileng awi zawng te tlan dial dial.

Than haw chhuithangval ram tuanin,
Sahrang lu a rawn hawn e;
Lawm ru lawm ru val ka than nan a e,
Vangkhaw run zau ah.


SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

2 comments:

  1. He hla hian ka lung a tileng ringawt thin.

    ReplyDelete
  2. He hla han download na tur link hi ka va duh tak em...,?

    ReplyDelete