10 Jul 2013

Ka pianna Zawlkhawpui

on July 10, 2013 2 Comments
Phuahtu: Rokunga
Satu: H. Lalchawimawii

Ka pianna Zawlkhawpui,
Hawihte'n i mawi mang e;
Chul hian i mawi lo,
I tlang lal chhipah siktui tling khawmin;
Tiah tanga'n zaithiam rimawi a fawn vel,
I sira'n tlang lian hmar tlangah Laipuitlang;
Chhimhlei Tlangnuam tlang te'n an hual che.

Dar ang lenna khawpui,
Tlangkimah mawi mah la;
I nun a mawilo,
I chhungah sualna doral ang a lian;
Dikna a fam ta, felna a tlawm ta, nun suar ang a chim,
Tham leh bawlhhlawhna te'n tual an leng;
Awi maw! a pawi emai!

Tual kan lenna khawpui,
Tlawma'n ka phal lo che;
Tho leh ta che maw!
Chhinlung chhuakah chuan Vanlal nau i ni;
Chham ang i zalna sual khurpui laichhuat,
Aw! a pawi emai!
Felna silhpuan sinin tho leh la, hlimte'n leng zawk ang.


SHARE
Four Brothers' Mizo lyrics

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

2 comments:

  1. Vanneihtluanga10 August 2022 at 16:49

    Chang khatna tlar lina hi... Ṭiah ṭángan zai thiam rimawi a fâwn vel... tih tur ni zawkin a lang

    ReplyDelete
    Replies
    1. Four Brothers' Mizo lyrics23 August 2022 at 02:16

      Pu Tluanga, a dik lo lai i rawn sawi hi kan siamtha nghal e, duhsak taka kan tih dik loh lai min rawn hrilh hi kan lawm em em e.

      Delete