Phuahtu: HC Lalsanglura
Satu: Lalrindiki Khiangte (Daduhi)
Nang anga thinlai luah zo tawng leh hian ka mawi lo,
Engtin nge ni dawn, lungrun, kan kar biahthu?
Runhmunah kan len ve nan chun leh zua an hrang si,
Sam ang then che hi ka zuam si lo.
Min dem lo la, ka dawn lungruk chu e,
Chun leh zua te chu doral iang hrang mahse;
Runhmun lendun zai i rel vang in,
Inghak zel ang aw rinawmin khuarei pawh nise, Lungrun.
Han dawnin thinlai a phang phuloh di nang chhai chu,
Chun leh zua suihlung ka dum zo ve si lo;
Cho loh leng an tam sia thinlairuka'n lungrun,
Suihlung min her san ka hlau si thin.
Lungchim te'n han dawn ve la, lungrun, i hmangaihna,
Derna anka zawng min hlan bik lo'ng che aw;
Leng zawng te'n min lo selin minlo dem thin mahse,
I tum lo'ng aw, sam ang inthen.
Nang anga thinlai luah zo tawng leh hian ka mawi lo,
Engtin nge ni dawn, lungrun, kan kar biahthu?
Runhmunah kan len ve nan chun leh zua an hrang si,
Sam ang then che hi ka zuam si lo.
Min dem lo la, ka dawn lungruk chu e,
Chun leh zua te chu doral iang hrang mahse;
Runhmun lendun zai i rel vang in,
Inghak zel ang aw rinawmin khuarei pawh nise, Lungrun.
Han dawnin thinlai a phang phuloh di nang chhai chu,
Chun leh zua suihlung ka dum zo ve si lo;
Cho loh leng an tam sia thinlairuka'n lungrun,
Suihlung min her san ka hlau si thin.
Lungchim te'n han dawn ve la, lungrun, i hmangaihna,
Derna anka zawng min hlan bik lo'ng che aw;
Leng zawng te'n min lo selin minlo dem thin mahse,
I tum lo'ng aw, sam ang inthen.
Ka hla duh ber nih hi aw
ReplyDeleteRunhmun lendun zai i rel fan in tih zawk a niang
ReplyDeletekan lo siamtha nghal e, kan lawm e
Delete