15 Aug 2013

Aw Vala Vala I rui zel dawn maw?

on August 15, 2013 5 Comments
Phuahtu: Roliana Ralte
Satu: Blue Corn

Aw, Vala, Vala, i rui zel dawn maw?
I chun leh zua, unau dawn lovin;
Daikil kawm tin hrutin chawltui ningzu runah,
Tangka rosum hawktui ang i luantir zel maw?

Lanu tleitir dawntawi, thuiherh hnawih tin nen,
I lengvel maw tlangrel dawn lovin;
Biahthuder dawn lovin, Hlukva nun iang rengin,
Lanu rohlu hawktui ang i luantir zel maw?

Sakhmel sertawk iang, awmfek dulkiarin,
I hersawi maw zahna khawiah nge?
Hraileng leh thainu chan dawnlo rengin,
I hrang thin maw, in runin sum tualah.

I chen zel dawn maw, damchhung tawite hi?
Suihlung chhirin ban a la pel ang;
Lungchhir a sawt lo ang, Eden sual zawng nen,
Chatuan hremhmun i la thleng ngei dawn.

SHARE
Four Brothers' Mizo lyrics

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

5 comments:

  1. TPA20 April 2014 at 11:08

    A phuahtu hi in hre lo a nih palh chuan Roliana Ralte (L) a ni e

    ReplyDelete
  2. Four Brothers' Mizo lyrics22 April 2014 at 01:10

    @TPA, kan va lawm em, i rawn sawi ang hian kan dah nghal e

    ReplyDelete
  3. Unknown6 July 2016 at 23:57

    Blue corn lo pawh hian an sa lo maw?

    ReplyDelete
  4. Unknown28 July 2019 at 22:21

    Zawm leh zawm loh tur khi in uluk vak lo a nih khi

    ReplyDelete
  5. Unknown9 June 2021 at 16:45

    Chawltui tih tur chawlhtui ni lovin

    ReplyDelete