Lalrimenthang

Phuahtu: F. Rokima
Satu: F. Zothanpuii, H. Lalthakima, Lalropuii Pachuau, Grace Lalchhanhimi (Mizo Idol artist), Famkimi Kawlni, Lalenkawli Pautu

Tlang tin leh mual tin ka thlir vel vawiin chu,
Ka awmkhaw har a zual nang tawnah;
Hawilopar em i thliah lung her leh turin,

Nunhlui tawnah tlaikhua ka lo var leh thin.

Tawnmang mai a chan ka phal si lo,
Hallo ten chhawrthlapui eng hnuaiah;
"Ka hmangaih che, ka ta i ni" min tih kha,
Lalrimenthang, hmangaihna vanduai maw ni.

Nang lo chuan e, ka dam zo chuang hlei lo'ng e,
Mite zawng vangkhaw dai lam rawnah;
Tuanpui di nen tlaitla par ang an lawm a,
Lalrimenthang, khawiah nge maw i awm le?

Chhun ni a rei tiin zankhua a sei si,
Chin lem a nei lo ve nang ngaih hian;
Chung siar mai khi maw lungrualna lo ni,
I thlir zan chuan rairah mi han dawn ve rawh.

Hmanah hmangaih biahthu di kan sawi laiin,
Sam ang then mi lo tum reng zu nia;
Duh tin lawrin tlei dang va der vel mah la,
Kei ang renga hmangaihtu i tawng lo'ng e.