29 Nov 2014

Rihtlang min liamsan le

Phuahtu: Lalnuntluanga (Zohmun)
A thluk siamtu: Lallawmawma
Satu: Lallawmawma
 
Sarpui lian leh awmlai si lo, ka tuar nem thei lo ve,
Pheisen darfeng ramchhan, ka nau duatlai te kha;
Tinkim dawn zo, hlim te'n siang lam hawn relin maw.. aw,
Lirpui run sei khawl lian rum vung vung chhunga'n maw,
Laitha khuai ang chawlin rihtlang min liam san le.

Aw, ka neih chhun, ka nau duatlai sakruang ka chul ne'maw,
Thlafam dairial channa zan tam pawh liam mahse;
Thingpui rem khar hawng a buan ang pawm ka nuam che aw,
Thingpui ri ruai khar lai hawn zai an rel si lo,
Sakruang chul lovin maw piallei run i rem le.

Aw, a na e, min chhingzo awm ang maw, thlafam ngaih hi,
Lirpui kiu ruai chhunga silhpuan zial nghengin maw;
Sakhmel chul riai riai a chham ang a zal tur chu,
Ka dawnsei ngam lo ve aw...,

Lunglai min run ngei e, lunglai min run ngei e.

Ka nau duatlai, i tel lo chuan engtin nge ni ang le?
Tangka ro thangpui leh i vulmawi hawn te hi;
I duh aiang ram dawn lungruk min hrilh si lo,
I tel lo chuan hringnun kalsiam ka rel thiam lo,
Ka tawnmang mawlah tal i lungruk min hrilh rawh.

Ka bung dawntuai thlafam chan zawng tlangtin deng kim ngei maw,
Pheisen darfeng ngurpui lallian chawimawina nen;
Sakruangah parmawi leh rimawi tinrengte nen,
Sakruang hma an hruai e, pheisen darfeng rualte'n,
Vohbik chawimawinate, Khuanu'n malsawm rawh se.


SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

3 comments:

  1. mizolyric hian in va ti tha em! Blog tangkai tak a ni..

    ReplyDelete
  2. He hla thu hi a va ril ve le... a satu hian a thiam bawk si,.. a nalh ka ti khawp mai.

    ReplyDelete
  3. he hla phuahtu hi a ril hle mai,hla thu ril tak hmanga a nau boral dan a sawi chhuah dante ava ril tak em..į¹­hangthar hla phuahchawp nen chuan khaikhin rual a ni love

    ReplyDelete