24 Aug 2017

Vanglai nun

Phuahtu: Lalhlimpuii
Thluk siamtu: C Lalrinmawia
Satu: C Lalrinmawia

Lungkim ten ka han dawn vel a,
Lunglam ka vai, hrilh ka hai mang e;
Nunhlui mual liam hnu te,
Auh ruai ka nuam ngei e.

Vanglai nun! aw, hlimlai ni!
Lungrual te a zaitin kan vawr lai te;
Suihlung rual a lengza thin kha,
Khawian tuan che u maw?
A then rihsang mualliam in, 
A then lenna tlang dang si maw;
Vanglai nun! aw, lenlai ni!
Kir zai an rel si lo.

Tukram siahthing siri par,
Vaube, tuangtuah par kan belh lai te;
Duhaisam nau ang nuih lai,
Dawn ve thin che u maw?

Dar ang tawnni her leh teh se,
Tah chuan lungrual ten tlaikhua var in;
Vanglai nun! aw, lenlai ni!
Zaiin ka awi na nge.

Kan nun kalsiam hersual mahse,
A chhanna lak thiam theuh tum ila;
I chen zel ang aw lungdam ten,
Sakhmel hai ang tar hma hian.


SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: