Chhingkhual lenmawii

Phuahtu: PS Chawngthu
Satu: C Sanga, Lalnunsanga (T - Melody)

A lenna ka chuan ngai loh, a sakhming ka hre bil lo,
Mahse lamkawiah kan lo intawng ta;
A sakhmel a dar zam nge, a zunzam zawlaidi nge,
Thinlaiah hrual hrui ang min phuar tu hi.

Mahse, maw, ka tan chuan in lunglen a ti zual mai thlawn,
A sakhming, hmel hre bil lo mah ila;
Tawng leh hian ka mawi nem'aw saw lamtluang a liam ta e,
Suihlung len tu ber chu chhingkhual lenmawii.

Khawi lam tluang a chhui dawn nge, hriat ve hi kan nuam ngei e,
Hnutiang chhawn tal hianin, aw, lo hawi se;
Dam takin tih mai te pawh ka nuam e chawnban vaiin,
Annem te'n nui hiauin min chhang mahna.

Liam mahse zalam phei chu chhing mitthla a ral chuang lo,
Theih chang se a sulhnu hi han zui in;
A lenna khawtlang an maw ni rei reng ka cham nuam e,
Tawn leh ni her leh se maw ka ti.