26 Nov 2017

Chun nunnem (Thinlaiah i hlui lo)

Phuahtu: Lalsangzuali Sailo
Satu: Lalsangzuali Sailo

Fam chang hnu ka chun nunnemi,
Kum sawm sul a liam ta fam dairial i channa;
Mahse, i dai chuang lo thinlaiah i chul lo ve,
I sakhming mawi zaiin ka rawn chawi zel dawn e.

A thar zel, aw, nang ngaih lai, 
Ka chun nunnem thinlaiah i hlui lo, i hlui lo;
I sakhming thamral mai tura'n zawng ka phal lo,
Zaia chawiin ka au zel dawn che.

Tawn loh kar khuarei chhung hianin maw,
Biahthu tinkim hlan tur che a tam lua ka ti;
Theih chang se vawikhat tal intawng leh ila,
Ka hlan nang che lungchim te'n lo ngai teh ang che.

Fam i chan dawna piang i hraite,
Khuanu hualin mawi te'n, dam te'n a seilian e;
I hraichawi dang te pawh lanu val an chang zo ta,
Keipawh thlangkhuandimin hraiduh leng ka awi e.

I silhpuan hlui zawng te thlir chang hian,
(Aw kan en ning thei lo a sin)
Awm khawhar min hnem, duh te'n ka vawng zel e;
Mahse, hrilh ti hai sei thlawn,
Kirtiang relin hringmi i hraileng min awm rawh.

Zawlkhawpui lamtluang zau fan chang hian,
Mi te zawng an chun nen nau ang an nui za;
Saisenteta min chawiliantu chun tawn ni awm lo,
Dawn a sei, lung ka vai, thinlaina dam thei lo.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: