25 Jan 2018

Hmangaih mengmawite

Phuahtu: John Mawitea & Mapuii Fanai
Satu: Blue Corn feat Robert, F Zomuanpuia feat HT Lalthanzami


Thinlai rukah ka vei reng che,
Nghilh ni awm thei lo duhlai mampui;
Theih nise tudang ngai lova lendun ka nuam,
Min dawn ve thin che maw... hmangaih mengmawite.

Ka duhber che, aw, ka ngai em che,
Sakhmel tawn loh chhung reiloteah pawh;
Engdang reng hi ka dawn thei lo, nang chauh lo chu,
Ka tan chauh rinawm in aw, hmangaih di valmawi.

Nang ngaih vang a luaithli nul hi,
Ban zai rel a har lua e, di bawihte;
Tuan tul zai rel a har ngei e, mi u,
I zunleng ngaih vang hian maw hmangaih mengmawite.


Min dem lo se zaleng zawng ten,
Di zun ngai in ka tham lenrual zingah;
Min hnem thiam reng ka tawng si lo ka di lo chu,
I tan chauh ka hlan e aw, hmangaihna rinawm.

Kan karah hmelma lungmawl hrang in,
Lungduh sam ang then nan dawt thu an zam;
Mahse, sirah hnawl zel ang aw, duhlai valmawi,
Chutin kan tan hlim ni kawl a eng ve ngei ang.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: