29 Jan 2018

Lehkhathawn

Phuahtu: CFL Hmingthanga
Satu: CFL Hmingthanga


Ka thian ngaih em em thin damten awm zel nang che,
Keipawh khuanu zarah dam in ka awm zel e;
Lenna tlang dang vang hian ka rawn ngai thin vawng vawng che,
Sakhmel intawn hun chuan sawi tur a tam ngei ang.

Thal khua a herliam a, furkhua lo herchhuak in,
Mahse, chu pawh zamual an lo liam leh zel a;
Sikni lo herchhuak in mawiten a rawn thlak a,
Kumsul a lo vei thin nang nen intawn leh ni herchhuak ve tak ang maw?


Thaikhawi biahthu khan e min rawn chhang ve ang che,
Chuan e, i thiam zir kha engman tibuai suh se;
Dawi ang dawm lian tu che i chunnu leh zua an hlim ve nan,
In vang khaw mawi turin lo zirchhuak ngei ang che.

A tawp ber a tan chuan tah leh nuih niah pawh,
Thian rinawm kan nihna i vawng dun zel ang aw;
Vannei leh vanduaina i tawn chang ni ah pawh khan e,
Ka tuarpui in ka lo lawmpui ve thin ang che.
SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: