25 Jan 2018

Run hmun leng ila

Phuahtu: T Zorempela
Satu: Henry Lalmalsawma


Hrilh thiam a har hmangaihna thuk zia hi,
Hrualhrui iang in min phuar ka tang laiah;
I hmangaihna hrengah ka tang reng si,
Tuar zo reng hian kei zawng ka mawi si lo.

Aw, suihlung hi a leng, a leng vawng vawng,
Nang lo chuan in chhun ni ka vui zo lo;
Runhmun lawi in riahrun chu rem ila,
Damchhung tawite hlim ten i hmang dun ang.


Tlang za rel thang tinreng chu phur zel in,
Engkim huam in i tan ka inpumpek;
Hmangaihna par zu tlan a len mai hi,
Kei ka chantawk mai maw a lo nih le.

Runhmn lendun ve hi a rem lo maw,
Lem ang min der mai maw i tum lo ni;
Kei ka chan tur reng hi mi dawn ve la,
Tumtawk leng chhai nan khua ka tlai hma hian.
SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: