27 Feb 2018

Ih maw duhlai

Phuahtu: Lalhmachhuana Zofa
Thluk siamtu: HC Lalsanglura
Satu: K Lalthlamuankimi


Ih maw duhlai, siar leh chhawrthlapui thangvan an lo kai leh e,
Suihlungrualpui ila, sumtual mawiin;
Chawngmawi Hrangchhuan rauthla ianga indi rialin e,
Mahse maw, rawllai a rual si lo.

Hmatiang, hnutiang, ka dawn thal romei zing ri riai kar an e,
Par chhing chheng te vul leh mahse;
Chawngpuan ianga kan phah chhawl li liai a chul zo ta,
Khua ka tlai em ni par lai a par rual lo e, aw, ngaihzual.


Ih maw duhlai, phengpheleng vahkhua par tlan an her liai e,
Kan tiam thu di thinlai an a thar a;
Zawlpal Tualvung ruathla ianga indi rialin e,
Mahse maw, lenlai a rual si lo.

Ih maw duhlai, tuahpui leh vau an lo vul leh e chhuahtlang mawiin,
Parlai kan lawm thinlai an a cham reng;
Thangsir Thangzai ruathla ianga indi rialin e,
Mahse maw, vullai a vul rual  lo.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: