3 Feb 2018

Ka sawm che

Phuahtu: Lilzo
Satu: Lilzo


Rilru put hmang a inang, kan inkawm,
Engkim kan hmuh kan lawm,
A tlak ka hlauh avanga ka dawm,
Hmangaihna avanga a chhungte kianga ka tlawm,
Ka chhuah dawn apiang a kalpui tur a ka sawm,
Ka che over deuh a min lo en,
A ni a lawm induhna in a ken,
A tui ka hmangral thin fo atan, ka pen,
Engkim i tan ka chan, ka tan i chan,
Kan nei a inhriatthiamna,
Hmangaihna par kan tlan, kan nei a tawrhchhelna,
Bawihte, tawrhchhelna.

Leng, leng, leng, lung a leng emai,
Seng, seng, seng, rilru ka seng;
Khawiah tuan ta che i maw.


Sawi lawk ila kan intawn dan:
A lo kal, a lo kal, lo kal phei,
Ralkhat atang pawn pianthiam hai rual loh,
Mawi tawk lekin a sam a sei,
A tawk viau a sin aw ngaihno a bei
Ka zawn a thlen in a ding,
A hming ka zawt, reilo te a ding,
Chhanna ka dawng lo a lu a thing,
A tan siar sing sang sawmsarih lak a tlem lutuk,
Tlai tinin ka lo nghak,
A va inhmeh thin em ve, aw, a kawr hak,
A hmuh hmaih loh ka chetdan atthlak,
Hunpuiah khawn dun ila thingfak.

Leng, leng, leng, lung a leng emai
Seng, seng, seng, rilru ka seng
Khawiah tuan ta che i maw.

Leng, leng, leng, lung a leng emai
Seng, seng, seng, rilru ka seng
Khawiah tuan ta che i maw.

Leng, leng, leng, lung a leng emai
Seng, seng, seng, rilru ka seng
Khawiah tuan ta che i maw.


Pastor hmaah "tiam tlat e" tihdun pui ka va han chak,
Ka duh a ni a hriat leh hriat loh pawh ka hre lo,
Tlai khat chu min lo bia, hamhaih a vangin ka che lo,
"Keipawn" tiin bul a han tan, sawi rawh, sawi zel rawh,
I awmawi tak ngaihthlak,
A hmanhmawh, test paltlang tur anih avang a,
Remchang a insiam hman loh thu min han hrilh,
Eng buah mah ka la chhiar lo,
Thumawi leh thawnthu ngaihnawm a ka atanga chhuak,
Kan invuan, ka chanchin engkim chu min puan,
Nitin, tlaitin ka nghah thu hruai haw mai ka nap,
Lawm avangin thlan in min bual, ka in zap,
A hre lo em ni, aw, kan in bang lah dap,
An thlahte ka han chhui a mi awmthei chhungkua,
Keini inchhung ve zawng sazu tan pawh riah na tan bak a tlak lo,
Kei ve lah thenawm khawveng ten an sawi mi tlaktlai lo,
Engpawh chu nise lung a leng
Khawiah emaw peng ila, seng ila, inngheng ila,
Damlai par kan chen ang a, a ha! a va han tih chi dawn ve,
Hmel chang a ni lo pian a nalh.

Leng, leng, leng, lung a leng emai
Seng, seng, seng, rilru ka seng
Khawiah tuan ta che i maw.


Leng, leng, leng, lung a leng emai
Seng, seng, seng, rilru ka seng
Khawiah tuan ta che i maw.


Leng, leng, leng, lung a leng emai
Seng, seng, seng, rilru ka seng
Khawiah tuan ta che i maw.

 

 
SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: