Nunrawng hmeltha

Phuahtu: Dokamlova
SatuL RB Khawlhring, Zualbawihi

Tinkim ka dawn hian a bang lo luaithli nul,
Van a duai ka tan ana lua e;
Phulohpui maw ka lo tawn che,
Ka tah nan khua reng a sei dawn mang e.

Aw, Di, kei ka tan phuloh di, nunrawng sakhmeltha,
Lem ang der thiam, nunrawng hmeltha, partin lawr;
Engan nge biah derthiam nang kher ka lo tawn che?
Phuloh nang vang hian maw nau ang ka tah le?

Aw, lem ang der thiam, anka der hlan thiam,
I anka der hlan tur zawng hian;
Tlaini i leng thin maw lo ni le,
Nunrawng hmeltha, partin lawr.

Cho rual loh phuloh di i lo ni, aw, mi u,
Engdang dawn lo in hmangaih thu di ;
Ka lo hlan che min ngaidam rawh,
Phuloh parmawi ngen mai ka lo ni e.

I zun ngai hian fam mah ila e, aw, bawihte,
Ka luah zo chuang hlei lawng che mi u;
Tah nan mai maw ka lo tawn che?
Phuloh di zun a uai chu khua tlai na.

Biahthu min hlan zawng kha han dawn la, aw, mi u,
Amak in thiam pawh i lo thiam zawk e;
Tun lo tuar ve tawh tak ang maw?
I chhaithar di nen zantin atan mangtha.