26 Mar 2018

Zan Lalnu

Phuahtu: Roliana Ralte
Satu: Lalenkawli Pautu


Chhak lenkawlah chhawrthla hai ang tho in,
Khawvel zanthim engmawi rawn hawn in;
A hersang zel, aw, a engmawi zel e,
Hringfa leng tan thlir nin a har ngei.

Chhawrthlapui zan lalnu,
Malsawmtin phurtu ni la;
Hringfa tan ruahpui ang sur tir rawh.


Nungcha leng pawn an thlir ning lo'ng che,
Hlimin an zai i engmawi lawm in;
Parmawi tin leh siahthing vul zawng pawn,
I hliap hnuaiah tuantul an rel e.

Awmhar lungvai te tan erawh zawng,
Siamtu nghilh in tah ruai a awl ngei;
Dawn lungrukah nunhlui aiang a cham,
Puan ang ti thar leh tu zawng i ni.

Min dem lo la e, hmanah chuan in e,
I hliap hnuaiah nau ang nui za in;
Lungduh te nen zankhua hriau ang kan tawi,
Tunah erawh i herchhuah pui si lo.

Mahse, zan mu i chhing rei thin e,
Zanthim nunrawng lallai a lian thin;
Khartung sawn zai reng kan zuam nemaw,
Lungdam te a zanmu chhin a har thin.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: