Lung ka chhir

Phuahtu: Zorammuana (Patea)
Satu: Thangromawia Thomte

Suihlunglen tizual tur an maw ka fan kan tuanna,
Chhimhlei tual ngei a tlang leh mual reng a dang si lo;
Mitthla an a cham reng e kan hlim ni te zawng kha,
Ka dang zo lo biangah luaithli a lo luang e.

Awmkhua a har ngei vawiin ni zawng,
I sakhmel mawi tawn tur reng a awm si lo;
Ka van ruai ruai a sin khawiah tuan ta che maw,
I zunleng in min phuar tuan zai ka rel thei lo, Mapui.

Hmelma anka leng vang in maw nang ka lo then che,
Chawngzil biahthu kan tiam reng dawn chang lo hian in maw;
I thinlung hliamna tur a anka ka lo hlan che,
Lung ka chhir ngei engan nge maw ka lo pawm le.

Theih nise auhkir ka nuam kan hlim lai ni te,
Tudang ngai lo te a buan ang kan pawmlai zawng te;
Par ang kan lawm chhawthlapui eng leh siar zawng te,
Hleiten dang lo kan nun erawh a dang ta si.

Hmangaihna anka hlan leh che hi a rem tawh si lo,
Lengdang tang bel in karah val dang an awm si maw;
Fanau maltluan chawiin khuanu zarah dam reng la,
Ui chung hian maw mangtha tiin ka thlah nang che.

Ka hmangaihna leh inpumpekna,
I dawnkir chang in min han hre ve thin la;
Hmangaih chan vang a hringnun kalsiam rel thei lo,
A riang val i zun ngaih reng bang thei lo, Mapui.