29 Oct 2018

I leng dun zel ang

SHARE
Phuahtu: Mahminga Rawihte
Satu: Manuna & Feli Fanai


Hmanah khan e khawian tuan che maw?
Engan tunah chauh kan intawn le?
Ka tan par ang hlimni a lo vul ve ta,
Engdang lengdang reng ka ngai bik nem le.

Ka thinlai ruk zawng min dum zo ngei,
Hmelma leng sirah hnawl zel in e;
Suihlungrual te a lengdun zel tur in,
Damchhung ni hlim ten chhiar dun zel ang aw.

Duhlai lengte thinlai damna ber chu,
Khuanu ruatsa hmangaihna rinawm;
Chutin hlimna par ang lo vul zel se,
Aw, i leng dun zel ang aw.


Lengdang reng ka ngai bil lo'ng bawihte,
Dawn lungruk duhaisam a kim ta e;
Hlim leh muang ten i tang nem belh ka nuam,
Suihlung rual in rinawmna vawng zel ang aw.

Duhlai valmawi i kiangah chuan e,
Eng hun mai pawh hi a tawi thin mang e;
Nang tawn loh kar hi a sei leh si,
Khuanu hual in han leng dun teh ila.
SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: