3 Oct 2018

Indo haw lawmna

Phuahtu: Rokunga
Satu: Vanlalzami

Chhak leh thlang, chhim leh hmar zawlah ral a lo lian a;
Vangkhawpui par lai a chul zo ta;
Kan khaw val rual ram mutnaah hmelma do turin,
Chhak, thlang, kawl rawnah an her liam ta,

In sulhnu leh tual, in lenna tlang a ngui ruai e,
Hnutiang chhawn ve mai i kan run nuam;
Kan ram riangvai a chan ai chuan ka do ve na'ng e,
Leido lam thuamah mi lo nghak rawh.

I chun leh zua, rual duhte nen min hrereng fo la,
Zam lovin ral lam chu tawn zel la;
I lo hawn leh hun tur nghakin zalam phei kawnah,
Kan lo hmuak ang che i rual duhte'n.

"Indona hnehin ka lo kir, kan intawk leh ta;
Aw, ka thian duhtak, i lo dam maw?"
"Chung Pathian zara'n ka dam e, aw, ka thian duh tak,
Hlim takin banah ka vuan ang che."

Tupui raltiang indona leh chhaktiang ram daiah,
Hrehawm, hlauhawm zawng i tuar zo ta;
Tunah erawh hlim leh lawmin kan Zoram nuamah,
Hlim takin siangah i lawi leh ta.

I fak ang u, kan Pathian hi, perhkhuang tingtang nen,
A mi khawngaihna avangin hianin;
Luaithli nul inthen tawh hnute kan intawk leh ta,
Hlim takin zai tin i vawr ang u.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: