Raltiang i kai ve ang

Phuahtu: Rokunga

Hnam lung mawl tual kan lenna,
Vangkhua hmun hi sang mah se,
Lung kan mawl e rairah riang;
Lenrual duhte tho r'u,
Raltiang i kai ve ang.

Raltiang ram saw thlir teh u,
Hriatna, thiamna, finna ram saw;
Leng dang mi chu lal lai par tlanin,
Ming ngai lo te'n hlimin an leng si.

Tual kan lenna sang mah se,
Ral kan chhinna awm si lo,
Chutin nun a tawk lo ve;
Sual leh at hnutiang chhawnin,
Raltiang i kai ve ang.

Leng dang hneha rual khumin,
I hnam tan thahnem ngai la,
I nun a ralhma loh chuan;
Min dotu apiang hnehin,
Raltiang i kai ve ang.

Aw Zoram, lo ding chhuak rawh,
I tan khua a var dawn ta,
Hun sul ang a liam zel e;
Zantiang kawl a liam dawn ta,
Lenkawl a lo eng e.