Chei chuan ngai lo khuanu leng siam

Phuahtu: P.S Chawngthu
Satu: Lalthansanga Ralte

Awmhar hneman tlaitla engah,
Chaihtlang chuan in ka thlir;
Dar ang an leng lungrual kim in,
Sial zopui mual an mawi.

Chei chuan ngai lo khuanu leng siam,
Tukram partin bawm hi;
Vanhnuai mi hrilh Sial tlang sang lur,
Leng zawng par ang vul na.

A tlang khanthuam mual lian zawlah,
Hnahnem katchat karan;
Thiam zir naufa hlim ten lawi na
Thaikawi run lian ngir e.

Sik tui daifim dam ten luang del,
Thingsaingal thiang karan;
Ami leng zawng ruang tin bualna,
Leipui sang dawh hnuaian.

(He hla hi P.S Chawgthu in Sialsuk khaw tan a a phuah a ni a, a phuah lai hian apa Pu Pasena chu Sialsuk ah zirtirtu in a thawk thin a ni.)