Chunnu lungmawl ka di parte

Phuahtu: Tawnluaia
Satu: G Sangliana

Chunnu lungmawl ka di parte,
Ka then dawn nang vang in;
Khuarei suihlunglen i dawn lawm ni?
I hraichawi chhawl ang hian ka uai reng mai.

Inthen ang zankhua a rei ta e,
Tlaimah var ila kan inning chuang lo'ng e;
Suihlung a leng sei thlawn e.

Chung muvanlai a lo leng duai duai,
A lungdi auvin;
A her zel a, a her sang zel a,
A lungdi a au dawn e thangvanah.

Chun leh zua hal vanga parte,
Kan inthen mai tur hi;
Senlai nau ang tlei a har emai,
I ngai ang hian chhawl ang ka uai nilen e.

Min lo nghak la aitenawni,
Kan chhuah tlang phei duaiah;
Tlang tluan in lunglen i hril dun ang,
Nang ngai hian tah lai ka bang thei rih lo.