Tunah leh khumkhuain

Phuahtu: Joshua Buhril
Satu: Joshua Buhril & Sangteii Khawlhring

Zan chhawrthla engriai hnuaiah,
Ti hian ka dawn thin che;
Tawnmang ramah i len laiin,
Ka van malsawmna i ni tih reng i hre silo maw,
I hlu chuang ngei e ka tan hian;
Bawihte, ka dawn lungruk i luahkhat zo ngei e,
Nang chhingzo tur reng an awm lo.

Nang ang lunghlu chhar tur hian,
Hringnun mual tin ka lo zawh maw;
Thlaler ram ro te leh tuipui zau tak te khan,
I tangnem min hruai thleng si,
Ka hmangaih reng ang che, ka vuan reng ang che;
Tunah leh kumkhua in.

Awmkhua harin tlaini ka lo thlah liam thin a,
Mahse, tunah a dang zo ta;
Ka damchhan ka beiseina, ka duhaisam i ni,
Nangmah vang hian hringnun a mawi;
Bawihte, ka dawn lungruk i luahkhat zo ngei e,
Nang chhing zo tur reng an awm lo.

Riahrun vai ka thinlung tan hian,
Runlum min pe a, ka engkim i ni;
Hmangaihna in lawina run ti mawi reng se,
Lungchim te in leng zel ang,
Chung Pathianin min hruai zel se.