25 Aug 2019

Mampui ngaithiam rawh

Phuahtu: Lallianmawia Pachuau
Satu: Lallianmawia Pachuau, R Lalruatkima

Hmangaih luat vang em ni le,
Tah lai banzai i rel loh;
Chhuihthangval tan a tawk ta e,
Hlimte'n len zai rel tawh rawh.

Hlimlai puan ang a chul tur hi,
Ka dawn ngam lo, Mampui;
In pam lua e inthen tur a'n,
Mampui, ngaithiam hram ang che.

Mampui, han dawn chiang ve teh,
I di pawmlai valmawia;
Hmelma vanga i then tur hi,
Ka hnem thiam bik si lo.

Vala, nang pawh tap tawh suh,
Tui ang i nem rei lua e;
Lungdam tein thenzai rel la,
Nghilh zai rel ve mai rawh aw.

Thiana, a va har dawn em,
Mampuii nghilh zai rel chu;
Kumtluang atan ka lo ti a,
A thlawn mai maw lo ni le.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: