Enchim loh chunnemi

Phuahtu: Lalsangzuali Sailo
Satu: Lalsangzuali Sailo, H.Vanlalhlana, Lalbiakhluni Colney

Saisenteta min chawitu chunnemi,
Awmlai nunrawng in a thliak e;
Pialleiah vai ang a thamral ta,
A hraichawi mal ai ang ka lo vial e.

Duhlai enchim loh chunnemi,
Ti mai a mual i liam kan la tiam lo;
Chhimhlei pial nang tello a len reng zawng,
Kan zuam nem le.

Fam i chan hnu khan e, ka chunnunem,
Chawilai ka hrai bung dawntuai nen;
Runchhung zau leh sulhnu zawng te,
Lum zo lo in nang ngai kan lo tap e.

Ngaihlai chunnu i hlimthla leng zawng leh,
Biahzai tuahrem i anka nemte;
Ser ang cham e zaikhawl mawiin,
Ngaih ninawm loh thinlaiah i thar leh thin.

Hnuhchhawl phai thliah iangin ka uai zo ta,
Vanzawl turni kawl khum har si;
Chhunni zantlai a rei ngei mai,
Fam ngai reng a nilen, aw, nang vangin.

Tawnmang mawl chang teh se fam i chan hi,
Kim ten kan run hliap lo kir la;
Mahse, fam lung rawn mual ka thlirin,
Duhaisam mai ka ni ka tuar thiam lo.

Damlai hringnun piah ram ka thlir ning lo,
Hnutiang ngai lo fam hnu te lenna;
Chutah lungngai ka tahna te,
Ka bang tawh ang hlimten kan leng dawn si.