9 Sept 2019

Rawlthar tang fan fan

Phuahtu: Lalsangzuali Sailo
Satu: Lalsangzuali Sailo, Mizoram Youth Icon 2006, Zoramchhani, Zomuanpuii


Setana dawihlo kan ram hmelma lian,
Dawibur kengin, aw, a vakvel ruai a;
Thalai hmelmawi te ti hmelhem zo tu,
Zofa dawntuai a man, a rapthlak e!

A tur a na e, zungzam a fan zo,
Rawlthar dawntuaite, a dawi a mek che;
Nangma tan a pawi lua, i dawn kim lo a ni,
Aw..aw.. Mizo tlangval, famkhua i lawi dawn e,
Sim rawh, bansan la, ruihhlo i hmelma a ni,
Aw, tang fan fan!


Ruihna dawi tinreng dawn phak ngai loh te,
An in, an ei ta, ruihhlo ngai an ti;
Damna dawi kha maw thih tur a chang zo,
An zu, an chiu, ruih chin lem an nei lo.

Sakruang kimtlang mawi thisen zungzam nen,
An chiu chhe zo maw, mi a an chang ta;
Thatchhia, thinchhia, dawtsawi, bumtu rukru te,
Thlanmual leh hremhmun panin an tlan mek e.

Engmah a him lo, an chantir sumpai,
An ralti zo ta, i chun leh zuapa;
An thlir che hmangaihin i siamtu Lal nen,
Taksa, thlarau thihhlenna pumpelh rawh.

Natna hlauhawm AIDS a keng tel zel a,
Dawntuai zaleng rual a man thar zel a;
Hei ngei hi maw lo ni min chimral mek tu,
Harhin tangin tho r'u, i bei let ang.

Chhungkua a na e, khawtlang a dam lo,
Rampum a dam lo, kan ral zel nitin;
Kan hmelma doral a huangtau lua e,
Thian chhan thihngam Mizofa thawh a hun e.

Ruihlo zuartu, aw, lo ngaithla lul teh,
Chung Khuanu leng leh zaleng i bum lo;
Kan ram, kan hnam hmelma i lo ni, nang ngei kha,
Eizawnna dang dap la, i hlim zawk ang.

A tur a na e, zungzam a fan zo,
Rawlthar dawntuaite, a dawi a mek che;
Nangma tan a pawi lua, i dawn chiang lo a ni,
Aw..aw.. Mizo nula, famkhua i lawi dawn e,
Sim rawh, bansan la, ruihhlo i hmelma a ni,
Aw, tang fan fan!

 
SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: