22 Jun 2020

Awmkhua a har

Phuahtu: Thangliana Colney
Satu: Lalramhluni


Zankhua tlaiin run in sumtual ka fang thin a,
Hawi velin chung siar leh chhawrthla eng no riai,
Thlirin awmkhua a har zual thin i ngai hian maw,
Lung min len e, i kimtlang mawi na zawng khan e.

Awmkhua a har nang ngai reng hian
Chhunni leh zankhua ka lo hmang thin;
Tlei reng a har, i tel lo chuan eng dang reng hi,

Aw, ka dawn thei lo, luaithlipui nul a tul leh thin.

Min dawn ve maw i zun ngai kei a riangte hi?
Thlehnem puan ang i hlui si lo ka thinlaiah;
Zun ngai dawn lo tea tuan zai i rel lai khan,
Suihlunglengin awmhar nau ang ka tlei thei lo.

Eng dawn lo te'n ka tangnemah bei ve la,
Suihlung lawm leh duhaisam zawng a kim ngei ang;
Mahse maw, di, i zun ngai hi min dawn si lo,
Nang ngai reng hian awmhar lunglen a zual leh thin.


SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: