20 Jun 2020

Fur khawthiang

Phuahtu: Lallianmawia Pachuau
Satu: Lallianmawia Pachuau, Teddy Sailo, R Lalruatkima, Smiley (HB Lalhriatpuia), Guru Gee


A bang lo tinkim dawn lai,
Khuang ruahpui sur bang mahse;
Ban a hnehin awmkhawhar zual tura'n maw,
Fur khawthiang eng no ri riai,
A lo herchhuak leh si thin,
Thinlai tizingtu ber kha a i emaw.

Suihlung min len zual thin e,
Fur khawthiang eng no ri riai;
Tinkim ka han dawn chang ni hian,
Aw, min ngaihtir nunhlui mual liam hnu zawng te.


Hun leh ni her liam zelin,
Thal khaw romei a lo zam e;
Ka thinlai dungthulin maw a ziang ruai e,
Ka duhlai ngaihnobeite,
Nang nen hmangaih hrui vuan a,
Damlai hun tin kan chhiar te'n lung min len e.

Chhingkhualah mahriaktein,
Zokhaw reh damdiaiah hian;
Hmatiang hun leh nunhluite ka han thlir a,
Dawn a va'n sei thin vawng vawng,
Dawn bik lem nei si lo hian,
Hringnun kalsiam hian kei zawng lunglai min kham.


SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: