20 Jun 2020

Ka tuar zo lo

Phuahtu: Thandanga
Satu: Lalruotmawi


Kan kungpui ber kan hlimna ber,
Sakhmel hlima min muantu chu;
Awmlai nungrawng a lo hrangin,
A thliak ta maw ka tuar zo lo.

Chhung kim lai ni ka dawn ngam lo,
Dawn tam lunglen a zual em e;
Hnemtu ngaiin ar ang ka vai,
Ka tah khua a sei dawn ngei e.


Min sel lo u, min dem lo u,
Fam zunleng ngai ka riang em e;
Ka zawng zel dawn hmar tlang tluanin,
Min hnem thiam hi tawng ngai i maw.

A dai zo ta, a ngui zo ta,
Hlimtea kan lenna run nuam;
Ka dawn ngam lo, ka chan reng hi,
Fam zun ngai hi ka riang hluan e.

Zankhua lo tlai ka hawi vel a,
Ar ang vaih khua a sei dawn ngei;
Zan tlai nema siang lawi tur hi,
Tlei ka rel lo, awm a har ngei.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: