Thlafam vangkhua ka lawi ta'ng e

Phuahtu: Darphuta (Ratu,  Phuah kum: 1957)
Satu: H. Vanlalhlana & H.D Lalthanhliri, H Lalchawimawii

Awmkhawharin piallei ka thlir vel a,
Kei anga riang reng hi ka tawng ne'maw;
Zaleng lunglawm nuihiauva leng zawng hi,
Ka tan tahna an lo ni e.

Aw, ka lenrual te u, min dawnpui ve rawh u,
Khawvela chhailai di vaihreng mai zawng;
Piallei hringnun ka cho zo ve si lo,
Thlafam vangkhua ka lawi ta'ng e.

Hunte herin thingtin an lo vul a,
Thalah hnah hlui hnah tharin a thlak a;
Chumi iangin ka hellai di ve kha,
Lengdang valmawia'n min thlak e.

A ni tak e, bawihte, ka phu lo che,
Hmangaihna riang ka hmachhuan mai a ni;
Ngaithiam la, ka hrilhsa mualliam zawng kha,
Duhleng thlangin leng zel ang che.

Ka thinlaiah, bawihte, i cham reng si,
Nghilhni reng ka nei lo'ng che kumtluangin;
Suihlungleng reng rengin ka hawi vel a,
Ka tawng si lo thinlai hnemtu.

Hmangaihna semzai thiam i lo ni e,
Sem zel la khuavel hnamtin zingah hian;
Run ral kaiin pialral rammawi thlengin,
Tahchuan chantawk ka tawng mahna.