30 Jun 2020

Zawlkhawhermawii

Phuahtu: Vankhama
Satu: Ngurthangvela

Ka phu loh leh ka cho rual loh leng ngaiin,
Zawlkhawhermawii leng nang zun ngaiin;
Phai thliah hnuhchhawl ang hian ka uai nilenin,
Kei zawng ka ngai bang lo'ng che kumtluangin,

Sakhmel dar zam par ang lawm ve chang ni hi,
Chung tura ni hrui ang sei lang ka ti;
Kei zawng ka tan Aitenawn suihlung hnemi,
Chhak senhri par ianga leng Zawlkhawhermawii.

A run sang kai mah i, a dawn lungrukah,
Zaleng dang roral ang an lian zel a;
A chhingmita ngaih hmel reng ka tawng nemmaw,
Mahse ngaih lai bang lem hian ka mawi lo.

Khuandimin zamualpui pawh liam mah sela,
Ami tawnah hraileng chawi mah sela;
Kei ka thin lai her chuangin a mawi nem maw,
Nghak zel nang len lai din thar Zawlkhawhermawii.

Tawnmangah ram lovah leng Hermawii chuan,
'Zaleng dang hawi lem ang der mah ila;
Nang ang suihlung kham val reng an awm nem maw,
Hai ang thang in laikhum zal ka lo ni.

Thangril bawar lo pau val ka chhing ne maw,
Hermawi tawnmang khan val mi tawng ve maw;
Awi ka thin lai zo chhum ang a zing riai e,
Luah loh ngai tawnmangah chang Zawlkhawhermawii.

Ka ngaih ang hianin Zawlkhawhermawii chuan,
Min ngai ve se leng dang sirah hnawlin;
Halloten kan run hliapah tahpuan khawngin,
Puan ang pawh hlui ve se hrai duh chawiin.

Kei ka tan chuan a ngur nun ka ngai lo'ng e,
Chhimhlei hrehawm thuam ang ka do nang e;
Chawi nauvang nuar mah lang tui ang nem zel ing,
Relthang pawh phur mai i, Zawlkhawhermawii tan.

(He mi hlathu hi 'Mizo Thu leh Hla' Class IX & X Zirlaibu MBSE in a siam 1992 Second Edition atanga lak chhuah a ni a, Pu Ngurthangvela sak nen hian a hla thu hi inang lo deuh hret tlem a awm a, a hre zawk in awm chuan comment lamah emaw kan emai mizohlathu@gmail.com ah emaw min rawn hrilh turin kan ngen a che u.) 
SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: