28 Jul 2020

A her leh si

Phuahtu: Isaac Sailo
Satu: Mimi Renthlei


Nang ngei hi i ni tiin,
Lungchim te'n i tang ka bel a;
Relthang ka phur tlangrel dawn loin,
I hlimna'n ka inpumpek.

Mahse, tahna ti tamtu mai,
I lo ni maw valmawi;
Thinlai herin tleidang i pawm leh si,
Ka tuaran vanpui a chim.

Kumsul a lo vei a,
Nang ngaih lunglen a kiang,
Kan run riangah valdang an lo kai,
A riang lanu hun chhal.

Hlimni kawlah a lo herchhuak,
Tiin mahte'n ka dawn a;
Mahse, tleidang tawnah a her leh si,
Nau ang ka tah a tul leh thin.

Hmm...o.o..
Van a duai chuang ngei...

Van a duai chuang  e,
Riakmaw ar ang ka vai;
A riang lanu tan hlimni,
Kawlah  herchhuak tak ang maw.

An sawi pialral ramnuamah tal,
Tawng ve ila ka lungdumtu;
Chutin tahlai banzai relin,
Nau ang ka nui ve tawh ang.

An sawi pialral ramnuamah tal,
Tawng ve ila ka lungdumtu;
Chutin tahlai banzai relin,
Nau ang ka nui ve tawh ang.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: