19 Jul 2020

Aw suihlung a leng mange

Phuahtu: JH Vanlalzema
Satu: TBC Lalramkima


Awmkhua a har vawiin ni chu,
Turni liam zai a rel ne maw;
Chunnu khawia'n tuan ta che maw,
Zua luaithli nul ar ang ka vai,
Kan run rial tui ang a lo dai e.

A mi leng ten siang an lawi a,
Kei zawng siang lawi ka rel ne maw;
Khawnge ka thai ka chun ve kha,
Awmlai hrangin chhawl ang a thliak,
Thinlai zo chhum ang a zing riai e.

Aw, a na e, ka phal thei lo,
Kan la tiam lo rihsang mualliam;
An hruai lui ta banah kaiin,
Piallei thuahriat hnuaiah an zalh ta,

Lung ka rualpui ka di thanghniang,
Theih chang se, aw, lo kir leh la;
Then loh thu di tiam nawn leh ang,
Aw, ka suihlung a leng emai.


Hawi vel ila kan sul i hnu,
Tlang tin mual mah dang chuang si lo;
Sial ang kan zui na tlang ri riai,
Lui chhuk phaikuam kan fan lai te,
Lunglen ti zual tu an chang zo ta.

Rauthla vangkhua fan ka nuam e,
Thlafam dairial ka chan hma chuan;
Zawng zel nang e chunnunnemi,
Chung mu iangin han chuan ila,
Tahchuan rauthla leng ka tawng mahna.

Tunah zuapa puan ang min ban,
Awmlai nunrawng, aw, nang vangin;
Chengrang kau mai ka lo nap e,
Dairial ka chan pui hial awm e,
Ka tuara'n zun i ngai hi, aw, khuanu'n a lo siam le.

Imanuela ramah chuan,
Awmlai nunrawng lo ngai ve teh,
Zangkhua a la bungbu ngei ang;
Tahchuan hmangaih tu Lal fakin,
Hnehna hla mawi kan rem tawh ang.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: