Awmkhuahar changin nunhlui ka dawn thin

Satu: Eden Tharnghaki

Awmkhuahar changin nunhlui ka dawn thin a,
Hmana kan tuanna tlang ngaih lai a zual thin e;
Kumsul tam liam zelin tuanna tlang dang mahse,
Vang khaw sumtual nuam nghilhni i awm dawn lo,
I cham reng thinlaia'n.

Tlaini kawl a liam a chhawrthlapui eng hnuaiah,
A mi hrailengte tual an chai kan sumtuala'n;
Zankhua lo reiin bawhar ten zai an sa,
Lengi runsang kai valtha tin a hun ta.

Fur khuangruahpui sur leh turni sen sa hnuaiah,
Hmatiang hlen tum lawm lungrual thawkrim thin mah ila;
Sawmfang hring a lo eng a, thlaithar seng a lo hunin,
Sawngka dawh tlai tlan chuanin han thlir ila,
Thinlai a hlim thin.

Tlaizawngpar vul leh tlangsam, chhawkhleipar nen,
Tiauchhumin a bawm kan chhuahtlangpui;
Sikni kawl a eng a, kumsul a liam dawnin,
A ngur nausen piang lawmin rualduh kan hlim thin.

Rauthlaa tlangchuana thlir chang nite hian,
Chhemdamthlifim leh romei an zam chiai e,
Lenbuang thingzar bela lelte zai ri riai,
Zobawm thingpar tlan va tinreng te zai ri nen,
A cham reng thinlaia'n.

(He hla hi a hla thupui kan hriat bik loh avangin a hla tlar hmasaber hi a thupuiah kan tarlang ringawt a, tin, a hla phuahtu hi kan hre mai thei bawk lo a, a hria kan awm chuan comment ah emaw contact us tih ah hian min rawn hrilh ula, kan lo siamtha dawnnia.)