Chhingmittui a hul zo ta

Phuahtu: C Lallawmzuala
Satu: Lyni Lalthanzuali, Feli Fanai

Phu loh, nang tawn meuh zawng ar ang vaihna mai maw,
Ka thinlai chhun ang na hi han dawn ve la;
Chiang te'n han dawn ve la,
Sawm leh chuang tur awm lo ka thinlung keh hi,
Tuar zo bik awm hian maw kei zawng ka ring thei mawlh lo,
A tu'n min sel lo u.

Kan kar thu a tawp ta,
Ka thinlung chhungah hian i chang tawh thlawt lo hmun;
Chan khat engmah i chang tawh lo,
Nang ngaia ka tahna chhingmittui a hul zo ta.

A tawp e, kan kar thu, lem nei lo nunrawng,
Ka thinlai ser mei ang i hliamna ser nung cham hi;
Eng chen nge i haider le?
Dawma dawm man awm lo i thinlung lian kha,
Kha leh chen mi runluih thin na zawng zawng te kha,
Ka tuar zo tawh thlawt lo.

Aw le, nunrawng lunglian, min dem mai bik lo la,
Dawntawi lua zawng ka ni ngai ne'maw i tawnah khan;
Han dawn kir thin mah teh,
Ka tana i duhchhiat zia kha chen ka tuar tawh a,
I mi tham lohna a tam zo zai ka tuar ta lo,
Ka tuar zo tawh thlawt lo.

Suihlung chhir lehin tapin lo kir mahla,
I tan chuan ka thinlung khartung sawn a rem tawh lo;
Engkim mai hi i tan beisei bo a chang zo ta,
Engkim mai hi i tan....