23 Jul 2020

Chun hrawn vang

Satu: H Zosangliani, Lyni Lalthanzuali

Vang khaw mawia lengtin chhinga sakhming dar ang thangin,
A mi hluana lung kan rual laiin maw;
Kan hlim lai leh par ang kan lawm lai reiloin,
Ngai chunga then a tul ta, aw, an dawn lo e,
Hmangaihte kar thu leh hmangaihna awmzia,
An chhui phak lo i chun leh zua te'n, an phal lo e,
Lungduh run hmun kan lendun ai chuan,
An khap che in hraichawi riahrun an vaih tir che maw.

Ngai chung leh chhingmittui far chung zelin,
Thinlai lungkim lo te'n duh reng chungin;
Then zai maw kan rel le, aw, vang khawpui pawh a ngui ruai e,
Thinlai na dam ni awm lo, ana em luaithli kan nul bang lo e.


Sai ka sena min chawitu chun ka ngai vawng vawng thin e,
Ka mamawh tin pe in mal za min sawm thin;
Tunah zawng maw chun hran belin ka hringnun hi e,
Phang in a khur englai paw'n,
Aw, zaleng zawng te'n lungduh runhmun rem an rellaiin,
Kan tan erawh duh reng then a tul si a,
An thinlai ana chun hrawn vanga duhleng buan ang pawm lovin,
Duh reng chung then kan rel, chhingmittui far chungin maw.

Aw, kei zawng maw, sawichhiat tin leh zatlang rel thang ka phur,
Hmangaihna i tan engkim huam vangin;
Chutin run chhung hraichawi nih leh rosum i chan ai chuan,
Hmangaih che vang bawkin kiang ta'nge,
Aw le, duhlai, lungduh runhmun rem kan tiam zawng te kha,
Tawnmang mawl beisei bo a chang zo ta,
Aw, duh reng chung then chu maw pawmlai nen inlem mawh e,
Khuarei kumsul veia bang in nem ve mahna.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: