Chun leh zua

Phuahtu: Siama (Vulmawi)
Satu: Vulmawi, Eden Tharnghaki

Khuanu samsuih rem zarah,
Nupa an lo chang ta,
Chunnuin min pai a,
Ka lo piang chhuak ve ta.

Ka pian thlak atangin,
Chunnuin hnute tuiin min chawm a;
Chaw min fah thin,
Ka zuapa'n ka silh leh fen tur,
Ka thanlen nan chaw leh ei tur,
Rilru sengin min zawn sak thin,
Saisentet ata mi chawi liantu chun leh zua.

Ka ziah thiam, ka chhiar thiam nan,
Zirna run min kai tir;
Lenrual ka ban ve nan,
Silhpuan mawite min pe.

Min hmangaih em avangin,
Suahsual ka bawl hlauin;
Min zilh, min hau, min vua,
Fel leh nun mawi min zirtir.