23 Jul 2020

Di bawihmampui

Phuahtu: Buangi Sailo
Satu: Tracy Zorinsangi


Tawn parmawi hlimthlaa chuang dun,
Eng hian nge maw kar min dan tak;
Ka zawng ruai che zaleng zawng zingah,
Sakhmel tawn ni awm si lo maw.

Aw, thinlairuk a dam thei lo,
Di, nunhlui dawnkir changin;
Tawn leh nan khua her thuai se,
Di, duhlai ka Bawihmampui.

I pian a hma lam nge keimah zawk,
Dar ang kan tawn a tlai Bawihmampui;
Mahse maw, engmah hian a dal zo lo,
Runah nang nena len hma zawng.

Aw, thinlaiah i cham reng hian e,
Dam nan run hmuna len a ngiat e;
Thinlai i luah zo si a maw,
Tawn leh ni her a rei mang e.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: