23 Jul 2020

Di zun ngaih

Satu: Lyni Lalthanzuali

Mahriakte'n awmkhua a har,
Dawn a sei zanmu ka chhing lo;
Lungrukah mi u ser ang a cham,
Hmangaih biahthu di zawng nen.

Lenna tlang vangkhua ngui ruai,
Tuanna tlang a dang ta hi;
Lunglen hnema'n ka thlir i hlimthla mawi,
Duhte'n ka pawm vawng vawng.

Chung Khuanu ruat em ni lo ni le,
I zun ngai ka tlei thei lo;
Tuarthiam zawng a har ngei kan chan ve hi,
Luaithli ka nul leh thin.

Fur khawthiang zantiang kara'n,
Chhawrthlapui engmawi thlirin;
Lunglen biahthu di zaiin ka chawi,
Dar ang tawn ni her thei lo.

Thinlai ruka'n maw ka hmangaih ber che,
Ka va'n ngai che em duhlai;
Tuarthiam zawng a har ngei kan chan ve hi,
Luaithli ka nul leh thin.

Hlelte kan nghah dar ang a tawn,
Tuam lai par parh vulmawi iang;
Herchhuak tur thlirin tui ang kan nghak,
Nau ang nuih ni her ngei ang.

Thinlai rila'n maw ka hmangaih ber che
Ka va'n ngai che em duhlai;
Thinlai ruka'n maw ka thlang ber che,
Aw, ka hmangaih ber che

I zun ngai hi min awm rawh,
Duhte'n tangah min pawm rawh;
Then loh biahthu di vawng dun zelin,
Run hmun len dun hma loh zawng.

I vawng dun zel ang rinawmin aw,
Run hmun len dun hma loh zawng.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: