Ka enchim loh

Satu: Spi (B. Malsawmtluangi)

Khawnge ka thinlai luahtu,
Chhingkhual vangkhua sakhmel tha chuang;
Lairila'n a cham reng nghilhni awm lo,
A tel lo chuan maw tlei a har ngei e.

Lenna tlang chu lo dang thin mahse,
O..o.. puan ang chul mai lo la a riang tan,
Annem biahthu kan hlan dun zawngte kha,
Rinawmin vawng dun zel ang aw.

Mahtea run nghah chang hian,
Awmhar lunglen a zual ngei e;
I zun ngai hian ka vairuai thin a sin,
I lo ni nghilh loh di ka enchim loh.

Tiang ema ka lungdum tu,
Tawng leh thei hian ka mawi si lo;
Theih nise runhmun lawi dun ila,
Lungmawl duhaisam hi a kim ngei ang.