20 Jul 2020

Ka liam mai nang'e

Phuahtu: Siamsiami Chawngthu
Satu: Zirtluangpuii feat JT Production


Hmanah ka hmangaih liam tawh hnu,
Thinlaia'n a thar leh thin;
A ruk tein ka vei reng thin che,
Hriatthiam hian i mawi tawh si lo.

Rem lo tura khuanu rel ka lo tawng che,
I hmangaihna thaikawi biahthu di min hlan zawng kha;
Ka thinlung tina tu tur mai maw lo ni,
A ngur nun ka iang zo ve si lo,
Kumtluang atan ka liam mai nang'e.


Khuanu ka dil intawng leh turin,
Mahse, i rem thei tawh si lo;
Ka liam san che, ka thlah ni che khan,
Ka dawn lungruk i hrethiam si lo.

Rap:

I mawina, duhawmna, thawklehkhata'n an ral ta,
An kiang ta, ka hlimna a bo ta,
Ka duhaisam, duhthusam te kan nei a
Hlim takin hun kan hmang a,
Mahse, tunah chuan mangchhia mai an lo chang zo ta,
A ngaih zawng ka ngai thin, mahse, ka lantir a rem lo thin,
A ruka tuar angai, ka tan ana, tahna min thlen leh thin a,
Nih ve kan chak a thawnthu kan sawi fo thin ang kha,
Pialralah tal min di leh la.

Aw, ka ngaih ban ka thinlai luah loh di,
I chhai thar tak i di nen chuan;
Hlimte'n hmangaihna par zu va tlan ta ula,
Duhsakna sang ber ka hlan nang che.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: