Lenkawl engin tlang dum dur saw

Phuahtu: Lalsiama
Satu: Lalenkawli Pautu

Lenkawl engin tlang dum dur saw,
A rawn chhun eng leh ta e;
Valrianga thinlai ti hlimtu,
Kumtluanga kan then tur chu.

Ka ngai thin lenrual lungduh,
Leh lawm lai mi u te nen;
Min han dawn ve chang ni awm maw,
Ti hian lunglen zai ka sa.

Chhawrthlapui eng no nghil nghial pawh,
A herliam thlang lenkawlah;
I zunleng ngaih riang ka tawnah,
Liam zai reng a rel thei lo.

Chung siar zawng thangvan zawlan,
Kawpte'n an leng za thin a;
Tap chung zela ka then mi u,
Tawh leh ni awm tak ang maw?

Khiangawi lo hianin min nghak la,
Chun leh zua run mawi rih la;
Kum leh thar ka tiam che vala'n,
Aw, a thianga kan len nan.

Ka tir ang che huiva len thiam,
Ngaihzuali lenna tlangah;
Thu tinkim kimte'n va hrilh la,
Run hmunah kan leng dun ang.