28 Jul 2020

Luang za ang u

Phuahtu: Lalzidinga
Satu: Various artistes (YZTP)

Mim ang piang hmun u leh nau,
Chawmkhuang beng a,
Ningzu thlum tui dawnza thin kha,
Tunah ram hran mual hrana leng a,
Khual hraileng kan chang zo tur hi,
Ka dawnin thinlai a na,
Khuanu lengin engtin ngai ve ang maw.

Chhingmit hawngin ngun takin dawn chiang ila,
Hmatiang thlirin zo hnam dam nan;
Zo kalsiam lamlian zau sial a hun ta,
Phei lai vawrin i penchhuak ang u,
Phengphe khua a tlai hma ngei hian,
Zofaleng hnam tin insuihkhawm leh zai i rel ang u.

Lenna tlang leh kan tuanna mual te,
Dai ang dang tawh mahsela;
Hmangaihna a insuihkhawmin,

Zofaleng zawng te lungrualin i luang za ang u.

Hril thiam, tial thiam, dawnsei lenrual te u,
Hril zel ang, i puang zel ang u;
Zothlah hnam tin, khua tin hrut ila,
Chin lai lungduh unau te hnenah,
Hmangaih zia tial hlanin unau za kan ni,
Insuihkhawm ang u tiin.

Hril thiam, tial thiam, dawnsei lenrual te u,
Hril zel ang, i puang zel ang u;
Zo kalsiam lamlian zau sial a hun ta,
Phei lai vawrin i penchhuak ang u,
Phengphe khua a tlai hma ngei hian,
Zofaleng hnam tin insuihkhawm leh zai i rel ang u.

Lenna tlang leh kan tuanna mual te,
Dai ang dang tawh mahsela;
Hmangaihna a insuihkhawmin,
 
Zofaleng zawng te lungrualin,
Zaikhata luangin chawnban in kai ila,
Hal lo te'n suihlung rualin,
Zaikhata luangin chawnban in kai ila,
Hal lo te'n suihlung rualin i leng za ang u.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: